بحـث
سحابة الكلمات الدلالية
المواضيع الأخيرة
مايو 2024
الإثنين | الثلاثاء | الأربعاء | الخميس | الجمعة | السبت | الأحد |
---|---|---|---|---|---|---|
1 | 2 | 3 | 4 | 5 | ||
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 |
الانتخابات
صفحة 1 من اصل 1
الانتخابات
الانتخابات ها هي قربات****الحمة ركبت الرجالة و العيالات
من دابة ابدات الزرود و العراضات**** و الليالي الغيوانية
********************************************
كاين اللي اول مرة يتلالح للترشيح****كاين اللي باغي يربح بالتصاطيح
كاين اللي باغي يدخل بالفلوس صحيح***معولين على الحملة الانتخابية
********************************************
المهم وقف مع هاذي و هذا *****هذا عندو موت هذي عندها زيادة
هذا في الصبيطار هذي خاصها المساعدة****و تقوى شلا خدمات انسانية
*************************************************
المحبة تنزل في القلوب*****كتولي عند المرشح محبوب
وهو اشحال يكتر من حلف و كدوب******و الله حتى راكم اعزاز عليا
****************************************************
يكثر شلا تحية و سلام****في الموت يعزي و يجيب الطعام
يفعل الخير ويصالح الخصام*****و تقوى فيه الاعمال الخيرية
**************************************************
يعود يجمع الزبل ويشطب****يشري تونيات و كرة لاولاد الدرب
يجمع الشباب و عليهم يكدب****اللي اتقالت عليكم خفت عليا
****************************************************
انا راه غير انجح ندير و ندير****يغشم الصغير و الكبير
تكول غادي يرد الرفت احرير*****معيش الناس في احلام وردية
****************************************************
انا نبني ليكم جامع و اصبيطار****نزفت الشانطي و ندوز الواد الحار
نوصل الما و الضو حتي للديار****ونعطي الرخصة البنائية
******************************************************
وبعد ما كانش يرضى سلم***يلبس الجلابة ويتمسلم
يقوي من الجامع وبالتسابيح يتمتم****واش يستغفر ولا مظاهر خاوية
******************************************************
يعود ديما يدور في الدائرة***يكلس مع الشباب ويشري لهم البيرة
في الحملة يعطي لكل واحد 100 درهم تدويرة***ولكن اصويتات جمعوا ليا
*************************************************
اش بغيتي تشوف مللي الحملة توصل***كلشي يتبلى المرا و الراجل
شي مستافد وشي يجري باطل***وشي في عروقو دم الحزبية
*******************************************
كل مرشح يدافع على حزبو****جامع اخوتو و اهلو و احبابو
معول على اخوتاتو و انسابو****اصويتات مضمونة هي
*******************************************
قواو علينا شلا احزاب****هاذو بركة هاذو اغراب
هادو طيارة هادو اسحاب****مختالفين غير في السمية
****************************************
المهم كل حزب هو اللي احسن من الاخرين***هو صح و الاخرين غالطين
برنامجهم خاوي وهما مكلخين**وتبدا الحرب الكلامية
*************************************
هداك مناضل،هذا معروف من ازمان***هذه محزب هذا عمرو ما كان
هذاك منافق،هدا في قليب الفيسة فنان***وهذاك عندو سوابق عدلية
******************************************
المقرات المسدودة تفتح***وكل دائرة يتحط فيها مرشح
البرنامج للمواطنين يتشرح*** وتنظم حملات دعائية
***************************************
كل مرشح على راسو يضرب***يتسارى ويدور في الدرب
تعرفوني انا ماشي محزب ***غير باش ناخد التزكية
*************************************
اليوم راكم عندي معروضين***ما عمرنا اتجمعنا وكنا ناشطين
نهدرو اشوية ونكونو للطعام مشاركين***ونعرف الناس اللي باغين يصوتو عليا
*******************************
هذي حلوة هذا اتاي مشحر**هذا اشوى هذا محمر
هذا لحم بالبرقوق هذا ادجاج معمر***و الديسير فواكه موسمية
*****************************************
ياكلو ويشربو يحط ليهم المصحاف***احنا اشركنا الطعام واللي غدر يخاف
يركد عليه جنبو وليشدو بوتفتاف***و كولو امين بالجهرية
*******************************************
كاين اللي عطاها تفصيلة وشربيل***كاين اللي خاد الزرع في الليل
كاين اللي شاد 4000 اولا ديميل***باغي ينجح ويخلفهم بالمتنية
************************************
المرشحين ماشي ابحال ابحال***كل واحد عندو طريقتو في العمل
كاين اللي داير السمسارة وعليهم عوال****كاين اللي واضح وعملو بالنية
*************************************************
كاين اللي واضح وطرقو مشروعة****نيتو صافية وراسو مرفوعة
تحس بيه اسبع وسط الضبوعة****باغي يخدم البلاد بالنية
************************************************
كاين اللي باغي ينجح باي طريقة***بالتزوير،بالبونية بالسريقة
يوصي السمسارة ديرو شي تخربيقة******باش كلشي يصوت عليا
*******************************************
تبدا الحملة وابنادم يتلف***كلشي باغي يخدم يصور الصرف
يكتر التعوريط و الكدوب و الحلف****وتكتر حتى الوعود الوهمية
*********************************************
في الحملة اللي مشيتي عندو يكول ليك كون هاني***كاين اللي يكول ليك ميزي لكنتي شاري
يحسب ليك المرا و الدراري***جاتنا 40 لف نقدية
****************************************
يكول ليك ناكلوهم جات نوبتنا****داك العام عاد المرشح انجح و انكرنا
هما يضربو على روسهم و احتا احنا***هدا الشي راه غير اسواق خاوية
**************************************************
نهار التصويت تفرج في المرشحين***يجريو من زنقة لزنقة لهتانين
يحسبو في الصوات اللي عليها معولين****يقلبو ويعاودو في اللوائح الانتخابية
***********************************************
الانتخابات القديمة كان فيها الترافيك***فيها المصوت و المرشح أشريك
الدولة باش تحيد كل تشكيك*****استعملت الصناديق الزجاجية
**********************************************
اللي احصل يزور يودي****التصويت حق و قرار فردي
وشحال كد الدولة تحضي****مع المزورين و السماسرية
**********************************************
المهم حقوا لينا شلا مكتسبات*** دارو الرموز وحيدو علينا اللوانات
البيع و الشرا كان بهادوك الوريقات****لبغيتي أتخلص ارا الدليل باش صوتي عليا
*************************************************
اليوم ما ابقى عندك حتى دليل***دير الورقة في الصندوق واخرج طويل
راعي لله ولضميرك يا لخليل****الغش حرام في الأحاديث النبوية
*****************************************
انهار التصويت عند المرشح اعسير***من مكتب لمكتب يدور واش يدير
يتسوق لخبار يتسنى في المصير***متبع الأحداث بالمكالمات الهاتفية
********************************************
مللي يسدو المكتب ويبداو يحسبو***تلق اخينا يمشي ويجي رجليه اطيبو
يبرك وينوض ويسول في اصحابو***واش تضنو غادة تشد القضية
******************************************
ملي التقارير تبدا توصل***يكثر الرواج في المقر كيف النحل
اصحاب المرشح وعلى من معول***يجمعو ويحسبو في النتائج الجزئية
******************************************
و اللي النتيجة كانت لصالحو***اصحابو ينشطو ويفرحو
اللي مصوتين عليه يحيحو ويشطحو***رقصات و اغاني شعبية
***************************************
و اللي اخسر وما حالفوش الحظ****يدخل سوق راسو ويشد الارض
الصدمة تفوت وتلقاه يبرد****اولاد الحرام داروها بيا
***************************************************
زرفوني حتى بعت العجل****اخسرت رزقي:كلشي من احدايا اتسل
خسرت فلوسي وبقيت نبقلل****صيدوني القوم الشلاهبية
***************************************************
عاد يراجع نفسو ويندم****ما بقى معقول ولعلى من تسلم
خليت على ندير بفلوسي مشروع مهم*****اتبعت غرارين عايشة وارقية
*********************************************
اش داني اخويا لشي انتخابات***هما نجحو وانا اخسرت الريالات
كون نسحاب نشري غير اخريفات****نعلفهم لعيد الاضحية
***************************************
من بعد النجاحة يبداو الزردات***بالماكلة و الشيخات
معروضين رجالة واعيالات***الطبال و الغياط و الدقة المراكشية
*********************************************
تفوت الزردة يقلب عليهم***شويا شويا يبدا يسد عليهم
اصواتكم مخلصين فيهم***نشوف مصالحي شويا
**********************************************
اقبل انتخابات تكوين المكتب***تبدا المساومات والمراوغات والقوالب
شي خازنينو شي شاد الفلوس وهارب****باش يكملو بيه الاغلبية
***********************************************
يتكون المكتب وكل واح يشد بلاصتو****اللي في الاغلبية ناشط لاخر حالتو
حسابو خرج خاوي و الفرصة فاتو***في المعارضة يوجد للانتخابات الاتية
***********************************************
هدا واقع كنعيشوه كل انتخابات****ما كنقصد بيه حتى حزب معين بالدات
حتى زين ما اخطاتو لولا يا سدات***نترجاو الصراحة و الشفافية
*********************************************
هدا نقد مباشر وصريح******ماشي بالمرموز انما بالواضح
مافيه قدف ما فيه كلام جارح****امور واضحة وواقعية
****************************************
اللي بغى الشفافية يبدا من راسو***حيط الرمل مهدوم من ساسو
كل واحد على كد نيتو ياخد اخلاصو****نعملو جميع من اجل الديموقراطية
*****************************************
نفضحو الممارسات المشبوهة***واللي احصل يزور نديرو ليه شوهة
وانتخاباتنا بالصدق نطهروها****من كل تصرفات لا اخلاقية
******************************************
صوتنا نعطيوه بالعقل و الضمير***واللي يتساهل نزيدوه غير الخير
باركا علينا من التدليس و التزوير****تضحك علينا الدول الاجنبية
**********************************************
ياك احنا مغاربة كلنا ارجال***نخليوا راسنا مرفوع قدام الدول
ونبنيوا لاولادنا مستقبل****كلو مصداقية ورفاهية
******************************************
ابن الحمراء عبد الرحيم
فبراير2004
aliphone- عدد المساهمات : 11
نقاط : 36
السٌّمعَة : 0
تاريخ التسجيل : 23/10/2013
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الجمعة يناير 24, 2014 3:59 pm من طرف ولد بخ
» عودة الجدل داخل "الفيفا" حول موعد إقامة مونديال قطر 2022
الجمعة يناير 24, 2014 3:56 pm من طرف ولد بخ
» محمد فاخر يُقدم ترشحه لتدريب المنتخب التونسي خلفا لـ"كرول"
الجمعة يناير 24, 2014 3:53 pm من طرف ولد بخ
» النّيبت يَختار رُبّان المنتخب لِمُباراة واحدة وفيربيك المرشح الأول
الجمعة يناير 24, 2014 3:49 pm من طرف ولد بخ
» الجامعة الملكية لكرة القدم تصرف مستحقات الأندية
الجمعة يناير 24, 2014 3:26 pm من طرف ولد بخ
» الحارس الدولي السابق عبد القادري البرازي في ذمة الله
الجمعة يناير 24, 2014 3:23 pm من طرف ولد بخ
» لهذا السبب يرفض بنشيخة التخلي عن شاغو
الخميس يناير 02, 2014 10:11 am من طرف ولد بخ
» الراقي يوضح بخصوص انتقاله للنصر السعودي
الخميس يناير 02, 2014 10:08 am من طرف ولد بخ
» الجيلاني يكشف عن عروضه الاحترافية
الخميس يناير 02, 2014 10:06 am من طرف ولد بخ